کوردستان
پەیامێك ئاڕاستەی ئەنجومەنی سەركردایەتی یەكێتی دەكرێت
ئاڕاستە – رێبین حەسەن

بڕیارە رۆژی چوارشەممە، رێكەوتی 23/2/2017 ئەنجومەنی سەركردایەتی (ی.ن.ك) كۆببێتەوە پارلەمانتارێكیش ئاشكرایدەكات، لەكۆبونەوەكەی بەیانیدا، بەرپرسیاریەتیەك لەئەستۆی سەركردایەتیە و دەبێت بڕیاری یەكلاكەرەوە بدات، نەك بە ئاڕاستەی پەسەندكردنی ئەو پڕۆژە وشەسازیە بێت، كە ئامادەكراوە، چونكە لەم كاتە خەڵك و یەكێتی باجەكەی دەدەن.
گۆران ئازاد، ئەندانی فراكسیۆنی یەكێتی، لەپارلەمانی كوردستان، لەپەڕەی تایبەتی خۆی لەفەیسبووك، نووسیویەتی  یەكێتی بەمەبەست بێت یان بێ مەبەست، لەبەرپرسیاریەتیەوە بێت یان بێ پلانی، زوومی چارەسەری كۆی كێشەكانی ئەمڕۆی هەرێمی خستۆتە سەر هەنگاو و بڕیاڕەكانی خۆی، بۆیە دەبینین هەموو حزبەكان دەڵێن چاوەڕێی پڕۆژەو كۆبوونەوە و بڕیاری یەكێتین.
ناوبراو، دەشڵێت "تەنانەت خەڵكی كوردستانیش چاوەڕێی هەنگاوەكانی یەكێتییە، بۆیە دەبێت یەكێتی لەئاستی بەرپرسیاریەتی و قۆناغ و چاوەڕوانیەكان بێتن كە بەشێكی گەورە خۆی بۆ خۆی دروستی كردووە، نابێت یەكێتی بەپڕۆژەی وشەسازی و مجامەلە قسەبكات، دەبێت بڕیاری پراكتیكی هەبێت".
ناوبراو، ئاماژە بۆئەوەشدەكات: ئەگەر یەكێتـی دەیەوێت بەشێك بێت لەچارەسەر، ئەگەر نا دەبێت چاوەڕوانی و ئومێدی لایەنەكان و خەڵك لەسەر خۆی لابدات و ئەو پەیامە بگەیەنێ كە هێزەكان خۆیان هەنگاو بنێن و چاوەڕێی ئەو نەبن، خۆشی بۆ پاساو و دەرئەنجامی ئەو بڕیارە ئامادە بكات.
لەكۆتایشدا گۆران ئازاد، جەختیشیكردۆتەوە، چاوەڕێین كۆبونەوەی سەركردایەتی، كە سبەی دەكرێت بڕیاری یەكلاكەرەوە بدات، نەك بە ئاڕاستەی پەسەندكردنی ئەو پڕۆژە وشەسازیە بێت، كە ئامادەكراوە، چونكە لەم كاتە خەڵك و یەكێتی باجەكەی دەدەن.
320 جار خوێندراوه‌ته‌وه‌
2/21/2017 4:36:39 PM
Print Friendly and PDF
زیاتر ...
تۆڕی کۆمه‌ڵایه‌تی
زۆرترین بینراو
  • 24 کاتژمێر
  • هەفتە
  • مانگ