کوردستان
هه‌ورامییه‌كان شێوه‌زاره‌كه‌یان ده‌پارێزن
ئاڕاسته‌:تاژاو محه‌مه‌د

له‌ ڕۆژی جیهانی زمانی دایكدا، هه‌ورامییه‌كانی شاری هه‌ڵه‌بجه‌ له‌ گردبوونه‌وه‌یه‌كدا داوای پاراستنی شێوه‌زاره‌كه‌یان ده‌كه‌ن،له‌و پێناوه‌شدا لڕاگه‌یه‌ندراوێكیان به‌ شێوه‌زاری هه‌ورامی بڵاوكرده‌وه‌.
ده‌قی ڕاگه‌یندراوه‌كه‌ به‌ شێوه‌زاری هه‌ورامی
 
مۆباره‌ك بۆ ڕۆ زوانی ئه‌ژایی  
 
ئارۆ 21/2/2017 ڕۆ جه‌هانی زوانی ئه‌ژایی ، موباره‌ك بایی كه‌رمې  جه‌ گرد و هام زوانه‌كاما،هام وه‌ڵاتیه‌كاما، نه‌ته‌وه‌و كوردی و گردو جیهانی، چی ڕۆنه‌ پشتیوانی و دڵسۆزی په‌ی زوانه‌كه‌یما  دوباره‌ كه‌رمێوه‌، وه‌ داواكارێنمی جه‌ گردو هه‌ورامیه‌كا هه‌كه‌ زوانی ئه‌دایی وێشا  ویر نه‌شۆوه‌، قسیش په‌نه‌ كه‌را ،وانا ، په‌نه‌ش بنویسا.
 
 ڕۆ زوانی ئه‌ژایی ڕوێ جیهانین یونسكۆئ دیاری كه‌رده‌ن هه‌تا زوانه‌كې یادو وېشا كه‌راوه‌، كۆڕو ئاهه‌نگ ساز بدا په‌ی پاڵپشتی و پاریزنای زوانه‌كه‌یشا، یونسكۆ ماچۆ گرد زوانه‌كې پېسه‌ یۆی مافو ژیوایشا هه‌ن، به‌پاو یاساو زوانی ده‌وڵه‌ت مافو پارێزنای مدۆ به‌زوانه‌كا،كارو چالاكی فه‌رهه‌نگی ساز بدا، زاڕۆڵه‌كاشا فێرو زوانی ئه‌ژایی كه‌را....هتد

 پارېزنای زوانیچ كه‌وته‌ن سه‌رو ئه‌نداما ئا زوانیه‌ ئه‌گه‌ر گه‌ره‌كشابۆ پارێزناش، ئه‌گه‌ر گه‌ره‌كشا نه‌بۆ و وزاش په‌شته‌و گۆشا و فۆتیۆ.
 
فره‌ زوانی  نه‌ته‌وه‌و كوردی ماناو ده‌وله‌مه‌ندی مدۆ، هه‌ر زوانێ یان زاراوې تایبه‌ت مه‌ندی وێش هه‌ن، ساحیب و كۆمه‌ڵێ كه‌لتورو شاره‌ستانی تایبه‌ت به‌ وێشا، پۆكه‌ی ئی گرد كه‌لتورې پێوه‌ره‌ نیشانێ گه‌وره‌یی و شانازین په‌ی گردیما، ئه‌ركو گردیمانه‌ پارێزنمېشا و گه‌شه‌شا په‌نه‌ ده‌یمې، هه‌رگیز رانه‌ده‌یمی زوانێ یان زاراوێ وێش سه‌پنۆ و ئه‌وی ته‌ری شۆرۆوه‌، مه‌رده‌ی زوانێ یانی مه‌رده‌ی كه‌لتورێ، میلله‌تێ ،مێژوو(ویه‌رده‌ی)،هونه‌ری...هتد.
 
فره‌ زوانی هه‌رگیز نه‌بیه‌ن مایه‌و ته‌رسې په‌ی سه‌رو ئاسایش و نه‌ته‌وه‌ی، نمونې فریما هه‌نې جه‌ جیهانه‌نه‌"  سویسرا،حه‌به‌شه‌،هیندستان " وه‌ڵاتې فره‌ زوانېنی، زوانی ستاندارشا هه‌نو زوانه‌ ناوچه‌یه‌كی یاگې ویشانه‌ به‌رجه‌ستې بیېنی.
 
ئارۆ ئێمه‌  ماچمی به‌ڵې په‌ی زوانی ستانداردی كوردی ،به‌ڵې په‌ی پارېزنای گردو زوان و زاروه‌ كوردیه‌كا به‌ بې جیاوازی.
 
                        ده‌سه‌و ڕاوه‌به‌رو كۆنفرانسو هه‌ورامان ئه‌شناسی

299 جار خوێندراوه‌ته‌وه‌
2/21/2017 3:23:48 PM
Print Friendly and PDF
زیاتر ...
تۆڕی کۆمه‌ڵایه‌تی
زۆرترین بینراو
  • 24 کاتژمێر
  • هەفتە
  • مانگ